Icyo gihugu cyatangaje ko ariwo musanzu wacyo mu rwego rwo guharanira gukingira abantu benshi mu bihugu bikize no mu bihugu bikiri mu nzira y’amajyambere harimo n’ibihugu bya Afurika.
Wenbin ntabwo yatangaje ubwoko bw’urukingo rwa Coronavirus igihugu cye kizatanga nk’inkunga.
Hari abafashe ubu buryo u Bushinwa bushaka gukoresha nk’ubugamije kugaragaza neza isura yabwo mu ruhando mpuzamahanga, nyuma y’uko icyo gihugu gishinjwe uburangare no kwimana amakuru bigatuma icyorezo cya Coronavirus gisakara ku isi.
U Bushinwa bufite sosiyete zitandukanye ziri gukora inkingo za Coronavirus zirimo Sinopharm, Sinovac, na CanSino.
Gahunda ya Covax igamije gutanga byibuze inkingo zingana na miliyari ebyiri, mu rwego rwo gufasha ibihugu bifite amikoro make kubona inkingo no kubasha gukingira abakora muri serivisi z’ubuzima n’abandi bakeneye guhabwa inkingo.
ubwanditsi@umuringanews.com
